×

Алматы әкімдігі Айнабұлақ - 4 шағын ауданындағы балабақша құрылысын сапасыз жүргізген компанияны сотқа береді

Бұл туралы Жетісу ауданын жұмыс сапары барысында аралаған Ерболат Досаев мәлімдеді

Алматы әкімдігі Айнабұлақ - 4 шағын ауданындағы балабақша құрылысын сапасыз жүргізген компанияны сотқа береді
Алматы әкімдігінің баспасөз қызметі

Қала Айнабұлақ - 4 шағын ауданындағы балабақша құрылысының жобасын белгіленген стандарттар мен талаптарға сай жүргізбеген әрі сапасыз салған «АК Construction» ЖШС мердігер - компаниясын сотқа беретін болды. Бұл туралы Жетісу ауданын жұмыс сапары барысында аралаған Ерболат Досаев мәлімдеді, деп хабарлайды Qaz365.kz.

Жетісу ауданының Айнабұлақ - 4 шағын ауданындағы 160 орындық жаңа мемлекеттік балабақша 1987 жылы салынған, кейін сүрілген әрі 10 жыл бос тұрған нысанның орнына салынуда. Құрылыс қала басшысының тапсырмасы бойынша 2022 жылдың мамыр айында басталды. 

Қала басшысы балабақшаны аралаған кезде құрылыс басқармасы басшылығының назарын құрылыс-монтаж және әрлеу жұмыстарын жүргізудегі кемшіліктерге аударды: қабырғалар сапасыз сырланған, көшедегі ойын алаңы бүлдіршіндерге бейімделмеген және т.б. Ерболат Досаев олқылықтары өте көп объектіні қабылдауға болмайтынын атап өтті. Басты назарда сапа болуы тиіс екенін қадап тұрып айтты. Алматы әкімі ақауларды қысқа мерзімде жоюды, ал міндетін жауапсыз атқарған мердігер ұйымды сотқа беруді тапсырды. Бұдан басқа, «АК Construction» ЖШС құрылыс жұмыстарын мерзімдерді бұзып жүргізуде: компания 2023 жылдың мамыр айында жұмысын аяқтауы тиіс еді.

Айта кетерлігі, ауданда, Алматы сынды халық санының өсуі байқалады. Мәселен, егер 2013 жылы Жетісу ауданының халқы 143 мың адам болса, 2023 жылы оның саны 196 мың адамға жетті.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора
Qaz365.kz редакциясы

 Редактор

Бөлім жаңалықтары

Тағы оқыңыз
Президент мемлекет және қоғам қайраткері Мұрат Әуезовтің отбасы мен жақындарына көңіл айтты
Кеше, 11:47

Президент мемлекет және қоғам қайраткері Мұрат Әуезовтің отбасы мен жақындарына көңіл айтты

Ұлт руханиятының алға басуына, қазақ ғылымының көкжиегін кеңейтуге бар саналы ғұмырын арнаған зиялы, парасатты тұлға еді

Соңғы жаңалықтар

Барлық жаңалық →