Блогер құмар ойын ойнайтын еркектер жайлы айтты
Munara tv арнасының «Әдемі әңгіме» бағдарламасында блогер Роза Әшірбаева құмар ойын ойнайтын азаматтардың аналарын кінәлады, деп хабарлайды Qaz365.kz.
«Ер-азаматты алатын болсақ, оның ең басты демеушісі – шешесі. Ол жасырады, ұят болады, баламның ойнайтынын айтпа дейді. Сөйтеді де, бүкіл алтындарын ломбардқа тапсырып, қарыз алып, баласының қарызын жауып береді. Тіпті үйін сатады, бірақ емдемейді баланы. Егер баласы әйелін ұрса, неге сен әйеліңді ұрасың деп бір шешесі айтпайды. Қайта сауап болыпты, соқ дейді», – деді блогер.
Ол құмар ойын ойнаудың аурудың бір түрі екенін айтты.
«Маған «сен жаман әйелсің» дейді. Мен жаңағы ер-азаматтардың жаңағы әлсіздігін, өз әйелінің жаңағыдай қорғай алмайтынын айтамын ғой. Неге десем, «сен кемшіліктерін айтасың» дейді... Оның ұруын, ақша тігуін, ішуін, наркоманиясын жасыру емес, ол ауруды жасыру болып есептелінеді. Ол қиянат болып есептелінеді», – деді блогер.
