×

Шекарадағы сарбаз Мираштың өлімі: Сот алқасы сержантты кінәлі деп тапты

Сотталушының адвокаты Сержан Пірәлиев үкім әділетсіз деп есептейді

Шекарадағы сарбаз Мираштың өлімі: Сот алқасы сержантты кінәлі деп тапты
Sputnik / Виталий Белоусов

Қылмыстық істер жөніндегі сот алқасы бұған дейін сержант Айбек Нұртаевқа шыққан үкімнің күшін жойып, оны кінәлі деп тапты, деп хабарлайды Qaz365.kz.

Бұған дейін Шымкент гарнизоны әскери сотының үкімімен сержант Нұртаев ҚК-нің 194-бабы 2-бөлігінің 1-тармағындағы және 451-бабының 1-бөлігінде көзделген қылмысты жасағаны үшін кінәлі деп танылып, 3 жыл 6 ай мерзімге бас бостандығынан айырылған болатын. Сот алқасы осы үкімді қайта қарап, Нұртаевтың «өз-өзіне қол жұмсағаны туралы іс расталғанын» хабарлайды.

Сот материалдары бойынша, 2022 жылдың тамыз айында сотталушы әскери қызметшілер Қарулы Күштердің жарғысын бұзып, нарядтағы бекеттерді өз еріктерімен ауыстырғанын анықтаған. 

«Осы себепті пайдалана отырып, сотталушы Нұртаев қатардағы жауынгерден ақша қаражатын бопсалап, өзінің банктік шотына аударуын талап еткен. Сондай-ақ, Нұртаев шекара заставасының аумағында спирттік ішімдіктер ішкен үш әскери қызметшіні анықтап, өзінің қызметтік өкілеттіліктерін асыра пайдаланып, оларға дене жарақаттарын келтірген. Кейін сотталушы жоғарыда аталған жағдайды пайдаланып, жүйелі және негізсіз түрде, әскери қызметші Бекбол Мираштың ар-намысы мен қадір-қасиетін қорлау арқылы оны өзін-өзі өлтіруге дейін жеткізді. Ұсынылған дәлелдер айыпталушының кінәсін дәлелдейді. Сот алқасы Нұртаевты жеті жылға бас бостандығынан айырды», –  деп хабарлады әскери сот.

Шекарашы Мираш Бекбол 2022 жылдың 19 тамызында ҰҚК Шекара қызметіне қарасты Тараз қаласындағы «Шөлдала» шекара бөлімінде борышын өтеп жүрген жерінен асылған күйде табылған. Күдікті ретінде сол жердегі келісімшарт бойынша әскери қызметкер Айбек Нұртаев танылған. 

Сотталушының адвокаты Сержан Пірәлиев үкім әділетсіз деп есептейді. Ол жыл басында сот кезінде сараптама тағайындалып, қайтыс болған сарбаздың аузынан, іш киімінен шәует табылғанын жария еткен еді.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора
Qaz365.kz редакциясы

 Редактор

Бөлім жаңалықтары

Тағы оқыңыз
Өскеменде алғаш рет Әкелер форумы өтті
Бүгін, 19:21

Өскеменде алғаш рет Әкелер форумы өтті

Әкелер күні 2023 жылдан бері елімізде маусымның үшінші жексенбісінде атап өтіліп келеді
Барша мұсылмандар асыға күтетін қастерлі мерекенің тағылымы зор
Ұлт руханиятының алға басуына, қазақ ғылымының көкжиегін кеңейтуге бар саналы ғұмырын арнаған зиялы, парасатты тұлға еді

Соңғы жаңалықтар

Барлық жаңалық →