×

"Денесінің сау-тамтығы жоқ": Алматы облысында дауыл кезінде қаза тапқан сарбаздың туыстары эксгумация жасатты

Иығы, екі аяғы сынған, санына шеге тыққан, басы жарылған

 

"Денесінің сау-тамтығы жоқ": Алматы облысында дауыл кезінде қаза тапқан сарбаздың туыстары эксгумация жасатты
Фото: stan.kz

Алматы облысында дауыл кезінде қаза тапты делінген сарбаз Алмас Шәкімовтің денесіне туысқандары эксгумация жасатты, деп хабарлайды Qaz365.kz тілшісі КТК телеарнасына сілтеме жасап.

Олар бір жарым жыл бойы әділдік іздеп таппаған соң, осындай қадамға барып отыр. Жақындары азаматтық борышын өтеуге өзі сұранып барған көкшетаулық жігіт кісі қолынан өлгенін қалай да дәлелдейміз деп бекінген.

«Алматының әскери прокуратурасы болды, одан әділдік болмады. Өзіміздің Бас прокуратураға, Астананың әскери прокуратурасына – бәріне бардық. Бәрінен де әділдік, шындық болмады. Істі жылы жаппақшы, өзімізге қарсы шығып», – дейді марқұм сарбаздың әжесі Күлмайда Туғанбаева.

Шындық іздеп шырылдаған сарбаздың туғандары аса қиын болса да, ұлдарын қара жерден қазып алуға тәуекел етіпті. Айтуларынша, марқұмның денесінің сау-тамтығы жоқ. Иығы, екі аяғы, аяқ сынған, санына шеге тыққан, басы жарылған.

«Мұның барлығы әскердегі әлімжеттік, Алмастың ажалы адам қолынан болды», – дейді туған-туысқандары.

Шындыққа жету үшін олар эксгумация жасап, тәуелсіз сарапшылар шақыртқан.

Еске салсақ, 19 жастағы Алмас Шәкімов Алматы іргесіндегі полигондардың бірінде әскери жаттығу кезінде құмды дауыл басталып, өзге сарбаздарды құтқарып жүріп мерт болған. Әскери басшылығы оның басына темір құрастырмалы палатка құлады деп рапорт берген.

Қайтыс болғаннан кейін «Ерлігі үшін» медалімен де марапаттаған. Бірақ туғандары ол медальдан бас тартты.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора
Qaz365.kz редакциясы

 Редактор

Бөлім жаңалықтары

Тағы оқыңыз
Дариға Назарбаеваның туған құдасы қайтыс болды
08.07.2024ж. 14:34

Дариға Назарбаеваның туған құдасы қайтыс болды

Отыз жылдан астам уақыт бойы құрылыс саласында еңбек еткен
Қонақтарды ашық аспан астында джаз музыкасының сүйемелдеуімен фуршет күтіп тұрды
Жеңімпаздар алғыс хаттар, дипломдар, грамоталар және бағалы сыйлықтар алды

Соңғы жаңалықтар

Барлық жаңалық →