×

Қазақстан ғарышқа өз ғарышкерін қашан ұшырады – министр жауап берді

Қазақстан ғарышқа өз ғарышкерін ұшырады

Қазақстан ғарышқа өз ғарышкерін қашан ұшырады – министр жауап берді
Фото: ашық дереккөзден

Цифрлық даму, инновациялар және аэроғарыш министрі Бағдат Мусин Ресеймен бірлескен жоба аясында Қазақстан ғарышкерін ашық ғарышқа шығару мүмкіндігіне пікір білдірді, деп хабарлайды Qaz365.kz тілшісі inform.kz-ке сілтеме жасап.

«Біздің бастамамыз бар. Қазіргі кезеңде зерттеу институттарымен бірге қазақстандық зерттеуді бірлесіп жалғастыру мүмкіндігін пысықтап жатырмыз. Олар Халықаралық ғарыш стансасына арналған 6 бағдарлама аясында зерттеулер тізімін жасауды жалғастырып жатыр. Ғылыми бағдарлама іріктелгеннен кейін ғана біз Қазақстан ғарышкерін Халықаралық ғарыш стансасына жіберу мерзімін анықтап, жан-жақты мән-жайын айта аламыз», – деді Бағдат Мусин ведомствода өткен брифингте.

Оның атап өтуінше, ғарышкерді ғарышқа бекерден-бекер жібере алмаймыз. Ол үшін ғылыми бағдарлама қажет.

«Қазіргі уақытта бірнеше ғылыми бағдарлама жүргізіліп жатыр. Ол ғылыми бағдарламалар комиссия арқылы іріктеп алынады. Бағдарлама іріктелгеннен кейін соған орай ғарышкер таңдалады. Бұл жұмысты қазір бастаймыз. Бүгінде нақты мерзімін айта алмаймын. Өткені бәрі бюджеттік қаржыландыруға да байланысты», – деді министр.

Бұған дейін бірқатар БАҚ-та Қазақстан мен Ресей қазақстандық ғарышкерді ғарышқа ұшыру мүмкіндігін талқылап жатқаны жазылған еді.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора

 Редактор

Бөлім жаңалықтары

Еліміздегі әуежайлардың авиациялық қауіпсіздік жүйесін халықаралық тәжірибе мен стандарттарға сәйкестендіру мақсатында әуе көлігімен тасымалдауға тыйым салынған заттарды әуежайда сақтау тәжірибесі тоқтатылады
Әкімдік Берденовтің қызметінен кеткенін растамады 
Оқу-ағарту министрлігі егер мұғалімдер өз міндетіне жатпайтын еңбекке тартылып, бірақ сол үшін шағымданудан қорықса жасырын түрде арыз түсіре алатынын хабарлады

Соңғы жаңалықтар

Барлық жаңалық →