Елорда әкімі БАҚ өкілдерінің сұрақтарына жауап берді
Астана әкімі Жеңіс Қасымбек өңірлерден елордаға азаматтардың көшуі шектеле ме деген сұраққа жауап берді, деп хабарлайды Qaz365.kz.
«Унитарлы мемлекетпіз, Астанаға көшетіндерді шектеу, ондай сұрақтар болуы мүмкін емес. Бұл барша қазақстандықтың астанасы, олардың мұнда келуге құқығы бар. Жалғыз жауап осы болуы мүмкін», – деді Қасымбек.
Ол елорда инфрақұрылымына байланысты көші-қон ағынына әлі дайын емес екенін атап өтті.
«Коммуналдық-тұрмыстық, инженерлік және әлеуметтік инфрақұрылым бойынша көші-қон қарқынынан белгілі бір артта қалу бар, сондықтан қазір тиісті шаралар қабылданып жатыр. Жоғарыда айтылғандай, мектептер мен медициналық мекемелердің, мектепке дейінгі білім беру нысандарының көптеп салынуы. Бүгін осы мәселеге қатысты мәселелердің барлығы дерлік көтерілді, сонымен қатар тіршілікті қамтамасыз ету нысандарының құрылысы: жылу, су, электр энергиясы және т.б. Сондықтан, бұл мәселелерді жедел шешуге тырысамыз», – деді қала әкімі.
