Ди Каприо Қазақстан Үкіметін құттықтады
Голливуд актері Леонардо Ди Каприо өзінің Instagram парақшасында Қазақстан Үкіметін жойылып бара жатқан жануарлар түрлерін сақтаудағы табысымен құттықтады, деп хабарлайды Qaz365.kz.
«Бұл бұрын-соңды болмаған жағдай. Браконьерлермен күресуге, жаңа қорғалатын табиғи аумақтарды құруға және құқық қорғау органдарына үлкен күш жұмсаған Қазақстан Үкіметін құттықтаймын!» – деп жазды актер.
2005 жылы ғана 48 мың бас болған киіктің саны қазір 1,9 миллионнан асты.
«Қазақстан билігінің табиғатты қорғау ұйымдарымен, университеттермен және ғалымдармен ынтымақтастығы – бірлескен күш-жігерге негізделген табиғатты қорғау саласындағы нақты табыстың жарқын мысалы», – деді Ди Каприо.
Айта кетерлігі, биылдан бастап Қазақстанда киіктерді ата бастаған еді.
Соңғы санақ бойынша, еліміздегі киік саны 2 миллионға жеткен. Батыс аймақтағы шаруалардың егістігін отап, берекесін алғаннан кейін Президент жауапты ведомствоға тиісті шешім шығаруды тапсырған. Одан бері салаға жауапты министр екі рет ауысып үлгерді.
Биыл облыс шаруаларына киіктен келген залал 8 млн теңгеге жуықтаған. Ақбөкендер 1 млн 284 мың гектар жайылым-шабындықты таптап, 5 мың гектар егінді отап кетіпті.
