Іс сотқа жолданды
Батыс Қазақстан облысы Шағатай ауылдық округінің бас маманы ірі көлемде бюджет қаражатын жымқырды, деп хабарлайды Qaz365.kz.
«Шағатай ауылдық округі әкімі аппаратының бас маманы 2020 жылдан 2023 жылға дейінгі кезеңде өзінің карточкалық шотына заңсыз ақша аудару жолымен 12 млн теңгеден астам бюджет қаражатын жымқырғаны анықталды», – делінген облыстық прокуратураның хабарламасында.
Қазіргі уақытта аталған факті Қылмыстық кодекстің 189-бабының 3-бөлігі «Сенiп тапсырылған бөтен мүлiктi иемденiп алу немесе талан-таражға салу» бойынша тергеліп, сотқа жолданды.
Сот үкімімен әкімдік қызметкері 3 жылға бас бостандығынан айырылып, қылмыстық-атқару жүйесінің орташа қауіпсіз мекемесінде жазасын өтейтін болды.
Үкім заңды күшіне әлі енген жоқ.
