×

Қазақстанға қаңтар оқиғасын және Жанболат Мамай ісін тергеу бойынша Британия Парламенттік Комиссиясы келді

Қазақстанға қаңтар оқиғасын және Жанболат Мамай ісін тергеу бойынша Британия Парламенттік Комиссиясы келді
Facebook/ Zhanbolat Mamay

Бүгін Алматыға Қаңтар оқиғасын және Жанболат Мамайды қылмыстық қудалау ісін тергеу бойынша Ұлыбритания Лордтар палатасының мүшесі Кен Макдональд (Lord Macdonald KT KC of River Glaven) бастаған Комиссия өкілдері келді. Бұл туралы Жанболат Мамайдың Facebook парақшасында хабарланды, деп хабарлайды Qaz365.kz.

Комиссия құрамында халықаралық құқықтық көмек көрсету компаниясы Bindmans LLP жетекшісі Тайаб Али мен басқа да арнайы мамандар да келіп жетті. Бірнеше күннен кейін Алматыға Комиссияның тағы бір мүшесі - Ұлыбритания парламент депутаты сэр Роберт Бакленд те ат басын бұрмақ.

Бірнеше күннің ішінде Комиссия мүшелері Қаңтар оқиғасына қатысушылармен, азаптау құрбандарымен, қасіретті күндері туған-туысынан айрылғандармен және бірқатар құқық қорғаушылармен, журналистермен де кездеспек. Сонымен бірге, Комиссия өкілдері қазіргі таңда үй қамақта отырған Жанболат Мамаймен де сөйлесуді жоспарлап отыр. Бұған байланысты Мамай тарабы сотқа арнайы қағазды да жолдады. Одан бөлек, Комиссия Астанаға барып, Қазақстанның лауазымды өкілдерімен де кездеспек. Осы аптада Алматыда Комиссия өкілдері арнайы баспасөз мәслихатын өткізіп, қазақстандық журналистердің сауалдарына да жауап береді.

“Қазақстанға Ұлыбритания парламенті депутаттары құрған қаңтар оқиғасын және Жанболат Мамай ісін тергеу бойынша Комиссияның келуі халықаралық қауымдастық еліміздегі жаппай адам құқығын бұзу жағдайларына көзжұмбайлықпен қарамайды деген сөз. Біз Ұлыбританияда құрылған Комиссия жұмысына жан жақты көмек беруге әзірміз”, – делінген хабарламада.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Бөлім жаңалықтары

Тағы оқыңыз
Бірыңғай уақыт белдеуіне көшу: гаджет иелеріне нұсқау ұсынылды
26.02.2024ж. 15:56

Бірыңғай уақыт белдеуіне көшу: гаджет иелеріне нұсқау ұсынылды

Құрылғының бағдарламалық жасақтамасын жаңарту қажет
Ол қайырымды жан мұндай ізгі-ниет іс-шарасын ешкімнен ештеңе күтпей істейтінін, ақкөңілмен жасайтынын еске салып өтті

Соңғы жаңалықтар

Барлық жаңалық →