Бірыңғай уақыт белдеуіне ауыса ма
Сауда және интеграция министрлігі бірыңғай сағат белдеуіне көшу туралы шешім қабылдады, деп хабарлайды Qaz365.kz.
«Қазақстан Республикасының аумағында уақытты есептеу тәртібі туралы" Үкімет қаулысына өзгерістер енгізілді.
«Өзгерістерге сәйкес, 2024 жылғы 1 наурызда сағат 00:00-ден бастап елдің бүкіл аумағында бірыңғай уақыт белдеуі орнатылады. Осылайша, Қазақстан Республикасының бүкіл аумағына 5-ші уақыт белдеуі (UTC+5) қолданылады», – делінген хабарламада.
Қаулы 2024 жылғы 1 наурыздан бастап қолданысқа енгізіледі.
Еске салайық, былтыр желтоқсанда «Ашық НҚА» порталында 2000 жылғы «Қазақстан Республикасының аумағындағы уақытты есептеу тәртібі туралы» қаулыға өзгерістер енгізетін Үкімет қаулысының жобасы жарияланған еді.
