Құтқарушылар оның денесін тікұшақпен ұшу кезінде тапты
Павлодар облысында жоғалған балықшы өлі күйінде табылды. Құтқарушылар ер адамды тікұшақпен іздеген, деп хабарлайды Qaz365.kz.
Павлодар облысының Төтенше жағдайлар департаменті болған оқиғаның мән-жайын хабарлады.
«19 ақпанда Ақтоғай ауданы Ақтоғай ауылының маңында 1981 жылы туған азамат із-түзсіз жоғалып кетті, ол қарда жүретін көлікпен балық аулауға кетіп, қайтып оралмаған», – делінген Павлодар облысы Төтенше жағдайлар департаментінің хабарламасында.
Құтқарушылар оның денесін Ақтоғай ауылынан 10-15 шақырым жерде тікұшақпен ұшу кезінде тапты.
«Іздестіру жұмыстарына Төтенше жағдайлар министрлігінің, жергілікті атқарушы органдардың, полицияның және жергілікті тұрғындардың құтқарушылары, кинологиялық бригада мен ұшақ жұмылдырылды», – делінген хабарламада.
