Сот отырысы жалғасуда
Экс-министр Қуандық Бишімбаевтың ісі бойынша «қылмысты жасырды» деп айыпталған Бақытжан Байжанов бұрынғы бастығын «қанішер» деп атап, алғаш ұсталған сәті жайлы айтып берді, деп хабарлайды Qaz365.kz.
«Ол кісі өлтірді. Бишімбаев кісі өлтірді. Ұсталған кезде мүлде басқа Бишімбаев болған-тын. Қазір мүлде басқа Бишімбаев! Ол «қолыммен істегенді мойныммен көтерем» деген. Ата-ананың бетіне қалай қараймын деген», - дейді экс-министрдің ұсталған сәтін есіне алған ол», - дейді ол.
Еске сала кетейік, бүгін сот процесі кезінде экс-министрдің адвокаты Ерлан Ғазымжанов екінші сотталушы Бақытжан Байжановқа сұрақ қоймақ болған. Алайда судья Көлбаева ол сұрақтардың қайталанып жатқанын ескертті. Байжановқа «Бишімбаев мені қарғады» деген сөзіне байланысты сұрақ қойылған еді. Осы кезде Бишімбаев сөзге араласты. Экс-министр Байжанов «бопсалап жүр, өзін ауылдың аңқау баласы ретінде көрсеткісі келеді» деп жауап берген болатын.
