Адвокат сотталушының телефонынан табылған видеоларға назар аударды
Сот отырысында жәбірленуші тараптың адвокаты Бишімбаевтың Нүкенованы қорлап түсірген видеоларындағы сөздерді тағы бір рет еске салды, деп хабарлайды Qaz365.kz.
Адвокат Дамир Ишмаметов сотталушының телефонынан табылған видеоларға назар аударды.
«Олардың әрқайсында ол Нүкенованы үйленген ер адаммен жыныстық қатынасқа түскенін мойындауға мәжбүрлейді. 8-9 қарашадағы оқиғаларға оралсақ, сотталушылардың қылмыс жасағанын әшкерлейтін бірқатар дәлелдер келтірілді. Осы видеоны тағы бір рет еске салғым келеді. Осылайша, Бишімбаев 20 минуттан астам уақыт ішінде монотонды дауыспен 175 рет келесі сөздерді айтады: «Айт, ... (басқа адамның есімі - еск.) жыныстық қатынасқа түскен сен бе?». Бір сөзді 175 рет қайталаған», – деді адвокат.
Ол сотталушылардың қылмыс жасағанына бір түйір күмәні жоғын айтты.
