Бұл туралы ҚР Парламенті Мәжілісінің VII шақырылым депутаты Ерлан Саиров айтты
Алматы, Астана, Түркістан қалаларында сондай-ақ, Қаскелен елдімекенінде Болат Назарбаевқа тиесілі 244 гектар жер, 59 бизнес нысаны анықталды, деп хабарлайды qaz365.kz.
Бұл туралы ҚР Парламенті Мәжілісінің VII шақырылым депутаты Ерлан Саиров Нартай Аралбайұлына берген сұхбатында айтты.
«Осыдан алты ай бұрын біздің кеңеске Алматы облысының бірқатар азаматтары келіп, Болат Назарбаев жөнінде біраз фактілер беріп кеткен болатын. Ол фактілерді алты ай бұрын жарияладым. Бас прокуратураға нақты сұрақ қойдық. Алматы, Астана, Түркістан қалаларында сондай-ақ, Қаскелен, Талғар елдімекенінде Болат Назарбаевқа тиесілі 244 гектар, 59 бизнес нысаны анықталды. Тексеру кезінде бұл нысандардың көпшілігі заңсыз рәсімделген болып шықты. Қазір бұл нысандарды мемлекетке қайтару жөніндегі жұмыстарды жүргізіп жатыр. Сондай-ақ, Маңғыстау және Жамбыл облысында Болат Назарбаевқа тиесілі 299 мың ауылшаруашылық жер мемлекетке қайтарылды», – деді ол.
