Түрлі қалаларда 2884 ғимараттың қирағаны белгілі болды
AFAD Президенті Юнус Сезер Кахраманмараш жер сілкінісінен қаза тапқандардың саны 1014-ке дейін өскенін мәлімдеді, деп хабарлайды qaz365.kz тілшісі bbc-ге сілтеме жасап.
Жойқын жер сілкінісінен 7003 адам зардап шеккен. Сондай-ақ, түрлі қалаларда 2884 ғимараттың қирағаны белгілі болды.
Еске сала кетейік, кеше түнде Түркияның оңтүстік-шығысында магнитудасы 7,5 бал болатын күшті жер сілкінісі тіркелді.
Айта кетейік, бұған дейін президент Қасым-Жомарт Тоқаев Түркия басшысы Режеп Тайып Ердоғанға жеделхат жолдаған болатын. Ол түрік халқына көңіл айтып, көмек көрсетуге дайын екенін мәлімдеді.
