Сіз, тіпті, менің тапсырмаларымды орындамақ түгілі, ештеңе түсіндіре алмай тұрсыз
Екібастұзға жұмыс сапары кезінде ҚР Премьер-министрінің бірінші орынбасары Роман Скляр «Павлодарэнерго» АҚ бас директорының жұмысын қатаң сынға алды, деп хабарлайды Qaz365.kz тілшісі Pavlodarnews-ке сілтеме жасап.
Бірінші кезекте Үкімет төрағасының бірінші орынбасары соңғы үйлерді және жалпы қаланы жылумен жабдықтауды реттеу мәселесі қалай шешілетінін сұрады. Алайда «Павлодарэнерго» АҚ бас директоры Вадим Лесиннің жауабы Роман Склярдың көңілінен шықпады.
«Сіздің параметрлеріңіз адамдарға ештеңе айтпайды, тұрғындар үшін ең бастысы пәтерлерде жылы болуы керек. 65-66 градус температурада және дұрыс гидравликалық режимде пәтерлерде қалыпты температураға қол жеткізуге болады. Бұл айтып отырғаныңыз түкке жарамайды. Сіз, тіпті, менің тапсырмаларымды орындамақ түгілі, ештеңе түсіндіре алмай тұрсыз», – деді Роман Скляр.
ҚР Премьер-министрінің бірінші орынбасары Вадим Лесинге бүгін «Павлодарэнерго» АҚ акционерлерінен оны атқаратын қызметінен босатуды талап ететініне жеткізді. Біраз уақыттан кейін Роман Скляр «ОАЭК» АҚ директорлар кеңесінің мүшесі Сергей Канмен телефон арқылы сөйлескен кезінде бұл мәселе түпкілікті шешілді.
Сонымен қатар, Роман Скляр Екібастұзға жұмыс сапары аясында қаланың әлеуметтік нысандарына барып, бірқатар кездесулер өткізеді.
