"Нағыз қаһармандар!" - Түркияда қаза тапқан жігіттің бауыры қазақстандық құтқарушыларға алғыс айтты

Мирболат Құрмашевтің бауыры Алмат өзінің телеграм-каналында құтқарушыларға алғыс сезімін білдірді, деп хабарлайды Qaz365.kz тілшісі.

“Бүгін біз Түркияда болған жер сілкінісінің салдарынан қаза тапқан бауырларымызды жер қойнына тапсырдық. Жатқан жері жайлы, жандары жәннатта болсын!
Отбасымыздың туған-туысқандарымыздың атынан ҚР ТЖМ құтқарушылары - Денисов Дмитрий, Беков Ильдар, Исмаил Жан, Асанбаев Беркутке шынайы алғысымызды айтамыз. Өз өмірлерін қатерге тігіп, үйінді астында қалған мәйіттерді үлкен қиындықпен алып шықты. Нағыз қаһармансыздар! Сіздерге алғысымыз шексіз!" - деп жазды Алмат.