Алаяқтар 1414 нөмірінен келген кодты айтып, кезекті брондауды сұрайды
Бірыңғай жинақтаушы зейнетақы қоры Қазақстан азаматтарына маңызды ескерту жасады, деп хабарлайды Qaz365.kz.
Қор атынан алаяқтық жағдайлар жиілеп кеткені белгілі болды.
"Соңғы уақытта алаяқтар БЖЗҚ қызметкерлері атынан хабарласып, азаматтарға түрлі жаңалықтармен қоңырау шалу жағдайлары жиілеп кетті. Мысалы, салымшының шоты бұғатталған және жарналар түспейді деп мәлімдейді. Бұл мәселені шешу және айыппұлдарды болдырмау үшін "бетпе-бет кездесуге онлайн тапсырыс беруді" ұсынады", – дейді БЖЗҚ баспасөз қызметі.
Алаяқтар өз құрбанына қоңырау шалып, кодты айтуды сұрайды.
"Қоңырау кезінде алаяқтар желіде кезекке тапсырыс беруді ұсынады және 1414 нөмірінен жәбірленушінің телефонына код жібергенін хабарлайды. Содан кейін олар брондау процесін аяқтау үшін осы кодты айтуды сұрайды.
Жәбірленуші бұл кодты айтқаннан кейін, оның банк шоттарындағы ақшасы жоғалып кетуі мүмкін!" – деп ескертеді баспасөз қызметі.
Мамандар кез-келген дереккөзі күмәнді ақпараттарға сенбеуге және бейтаныс сілтемелерге өтпеуге шақырады.
"БЖЗҚ қызметкерлері азаматтарды шақырмайды! Сондықтан сіз қырағы болуыңыз керек және бөгде адамдарға ешқандай код бермеңіз! Сонымен қатар бейтаныс сілтемелерге өтпеңіз!" – дейді мамандар.
Жалған интернет алаяқтарынан сақтану үшін ешқашан кодтар мен құпия сөздерді біреуге бермеңіз. Ақпаратты ресми арналар арқылы қайта тексергеніңіз жөн. Егер біреу БЖЗҚ атынан мазаласа, телефонды қойып, қорға тікелей хабарласыңыз.
