Сондай-ақ барлық салалардағы ынтымақтастықтың қарқынды дамуы ерекше атап өтілді
30 желтоқсанда Өзбекстан президенті Шавкат Мирзиёев Қазақстанның экс-президенті Нұрсұлтан Назарбаевпен телефон арқылы сөйлесті, деп хабарлайды Qaz365.kz.
Өзбекстан президентінің ресми сайтында хабарланғандай, 30 желтоқсанда Өзбекстан Республикасының президенті Шавкат Мирзиёев Қазақстан Республикасының экс-президенті Нұрсұлтан Назарбаевпен телефон арқылы сөйлесті. Әңгіме барысында тараптар бір-бірін келе жатқан Жаңа жыл мерекесімен құттықтап, Қазақстан мен Өзбекстан халықтарына бейбітшілік, амандық және өркендеу тіледі.
Өзбекстан мен Қазақстан арасындағы тату көршілік, стратегиялық серіктестік және одақтастық қатынастардың қазіргі ең жоғары деңгейі, сондай-ақ барлық салалардағы ынтымақтастықтың қарқынды дамуы ерекше атап өтілді, - делінген басылымда.
Бұған дейін Нұрсұлтан Назарбаев қыркүйек айында бейресми сапарымен Өзбекстанға барған болатын.
