Былтыр экономика 4,8 пайызға өскен
Қазақстан қосылған құн салығын 20 пайызға дейін көтеруді жоспарлап отыр, деп хабарлайды Qaz365.kz.
Бұл туралы бүгінгі Үкіметтің кеңейтілген отырысында ҚР Премьер-министрі Олжас Бектенов мәлімдеді.
“Былтыр экономика 4,8 пайызға өсті. Ал ауыл шаруашылығында - 13,7 пайыз, құрылыста - 13,1, саудада - 9,1, көлікте - 8,5 пайыз деңгейіне қол жеткізілді. Өңдеу өнеркәсібінің көлемі 5,9 пайызға ұлғайды. Десек те, мұнай өндіру көлемі 2 миллион 400 мың тоннаға төмендеп, жалпы ішкі өнімнің өсу қарқынына кері әсерін тигізді. Елімізде қосымша құн салығын 12-ден 20-% өсіру көзделіп отыр”, – деді Олжас Бектенов.
Бұл ОПЕК+ міндеттемелері мен ірі кен орындарындағы жөндеу жұмыстарына байланысты екенін айтты.Премьер-инистрдің айтуынша, Қазақстанда тағы екі атом электр станциясы салынбақ.
“Биыл екінші және үшінші АЭС-ті салу орнын белгілеу үшін талқылау жұмыстары жүргізіледі.Ал жақын арада Алматы облысында алғашқы АЭС-тің құрылысы бойынша келісімшарттарға қол қойылады”, – деді ол баяндамасында.
Салалар бойынша статистикалық өсу көрсеткіштерінің нақты нәтижелері мынадай:
• 29 ірі зауыт салынды.
• 26 млн тоннадан астам астық, 3 млн тоннадан астам майлы дақылдар жиналды. 4 млн тонна астық экспортқа жөнелтілді.
• Алғаш рет елімізде 19 млн шаршы метр тұрғын үй салынды.
• 397 денсаулық сақтау, 298 білім беру нысаны бой көтерді.
• 11 мың орынға арналған 40 студенттік жатақхана пайдалануға берілді.
