Азаматтықтан шығу туралы мәлімдеме
Қазақстанның Ресейдегі елшілігі бұдан былай азаматтықтан шығу туралы құжаттарды пошта арқылы қабылдамайды, деп хабарлайды Qaz365.kz.
Қазақстанның Ресей Федерациясындағы елшілігі 2025 жылғы 1 наурыздан бастап азаматтықтан шығу бойынша құжаттарды пошта арқылы қабылдауды тоқтататынын мәлімдеді. Дипломатиялық өкілдіктің мәліметінше, бұл уақытша шара коронавирус пандемиясы кезінде енгізілген, алайда енді құжаттарды тапсыру үшін тек жеке қабылдау қарастырылған.
"Құжаттарды қабылдау тек жеке жүгіну арқылы жүзеге асырылады. Сонымен қатар, жазылу үшін орындар саны көбейтіледі", – делінген хабарламада.
