Орал қаласында ескірткі бизнесіне қарсы күрес бөлімінде қызмет еткен
Журналист Лұқпан Ахмедияров Орал қаласының экс-әкімі, ҚР Парламенті Мәжілісінің экс-депутаты Самиғолла Оразовтың ұлы Бауыржан Оразов орыс әскерімен бірге украиндарға қарсы соғысып жүргенін өзінің Инстаграмм парақшасында жазды, деп хабарлайды Qaz365.kz.
Журналистің жазуынша, 45 жастағы Бауыржан Оразов осыған дейін Батыс Қазақстан облысы Орал қаласында ескірткі бизнесіне қарсы күрес бөлімінде қызмет еткен.
– Оның бірге қызметтес болған әріптестері Ресей әскерінің формасын киген Бауыржан Оразовты бірден таныды. Экс-депуттаттың ұлы осыдан бірнеше жыл бұрын құқық қорғау органынан кетіп, Ресейге көшіп кеткен, – дейді журналист Лұқпан Ахмедияров.
Украина Қарулы Күштеріне қарсы соғысып жүргенін қолына түскен суреттегі Бауыржан Оразовтың Ресей әскерінің формасын киіп, қолындағы автоматтың тұтқасын көрші елдің үш жолақты туын бейнелейтін изолентпен орап алғанынан білуге болады.
