Мұны аты-жөнін жасырған жоғары лауазымды украиндық шенеунік мәлімдеген
АҚШ пен Украина пайдалы қазбаларды бірлесіп игеру жөніндегі шарт жобасын келісті, деп хабарлайды Qaz365.kz.
Бұл туралы Reuters агенттігі мәлімдеді.
“Украина АҚШ әкімшілігімен өзінің табиғи ресурстарына қатысты келісім шарттарын келісті және таяу күндері келісімге қол қойылады. Мұны аты-жөнін жасырған жоғары лауазымды украиндық шенеунік мәлімдеді”, – делінген агенттік ақпаратында.
Financial Times пен AFP агенттігінің мәліметінше, 28 ақпанда Вашингтонда қол қойылуы мүмкін Украинадағы табиғи ресурстарды бірлесіп игеру жөніндегі келісімде мұнай мен газда бар.
Келісімге сәйкес, АҚШ пен Украина инвестициялық қор құрады. Екі ел ұйымды бірлесіп басқарады. Бірақ АҚШ өз заңнамасы шеңберінде шешімдер қабылдау құқығына ие болмақ. Вашингтон коммерциялық қорды 100% басқарады деген бап алынып тасталды. Жаңа нұсқада АҚШ тек өз заңнамасына сәйкес қордағы белгіленген қаржылық үлесті иеленетіні айтылған.
