Ол жыл басында әкім лауазымынан босатылған.
Абай облысының бұрынғы әкімі жаңа қызметке кірісті, деп хабарлайды qaz365.kz.
Енді Нұрлан Ұранхаев - премьер-министр кеңесшісі. Экс-әкім жаңа жұмысында құрылыс және өндіріс мәселелеріне жауапты болмақ.
Ұранхаев 2022 жылы құрылған Абай облысының алғашқы әкімі болды. Ал 2025 жылдың ақпанында лауазымынан босатылды.
1965 жылы 4 мамырда Семей қаласында дүниеге келген.
1982-1987 жж. Қазақ политехникалық институтын «Инженер-механик» мамандығы бойынша бітірген.
1998-2001 жж. Қазақ қаржы-экономикалық институтын «Экономист-менеджер» мамандығы бойынша бітірген.
2004-2006 жж. Шығыс Қазақстан мемлекеттік техникалық университетін «Инженер-құрылысшы» мамандығы бойынша бітірген.
Еңбек жолын 1987-1990 жж.«Казпромтехмонтаж» тресінің Семей монтаждау басқармасы учаскесінің Слесарь-монтаждаушысы, шебері, прорабы болып бастаған.
