Иран Израильге қарсы жүздеген баллистикалық зымыран ұшырды.Бұл туралы Израиль армиясының (IDF) брифингінде айтылды, деп хабарлайды Qaz365.kz.
Аталмыш әрекет Израильдің Иранның ядролық нысандарына және жоғары лауазымды тұлғаларына жасаған әуе шабуылдарына жауап ретінде жасалған. Иран бұған қоса 100-ге жуық ұшқышсыз ұшу аппаратын (ҰҰА) жібергенімен, олар Израильдің әуе қорғаныс жүйелерімен жойылды .
Израильдің әскери күштері Иранның зымырандарын анықтап, оларды жою үшін әрекет етуде. Тұрғындарға баспаналарға кіріп, ресми хабарламаға дейін шықпау туралы ескерту жасалды. Бұл шабуылдар Иранның ядролық қару жасау мүмкіндігіне қатысты қауіптерге жауап ретінде қарастырылады.
Жалпы, Иран мен Израиль арасындағы шиеленіс 2024 жылдың сәуірінен бастап күшейіп келеді. Атап айтқанда, 1 қазанда Иран Израильге 200-ге жуық баллистикалық зымыран жіберген болатын .
Қазіргі уақытта жағдай аса шиеленіскен, әрі халықаралық қауымдастық тарапынан алаңдаушылық туғызуда.
