Таралған мәліметтер ескі 2024 жылғы 1 мамырға дейінгі кезеңге жатады
Цифрлық даму министрі 16 миллион Қазақстан азаматының дерегі тарап кеткеніне қатысты пікір білдірді, деп хабарлайды Qaz365.kz.
Цифрлық даму, инновациялар және аэроғарыш өнеркәсібі министрінің айтуынша, әлеуметтік желілерде тарап кеткен ақпараттар жаңа деректер емес.
«Мемлекеттік деректер базасы бұзылған жоқ. Бұл бұрын тарап кеткен деректер болуы мүмкін. Кейбір Telegram-арналарда жарияланғанда біз ол деректерді бұғаттап отырамыз. Сол деректерде аздаған жаңарту болған. Мәліметтер 2024 жылғы 1 мамырға дейінгі кезеңге жатады. Жаңа ауқымды деректер тараған жоқ», — деді министр Жаслан Мәдиев.
Ал тілшілер министрден «Деректер сіздің қызметіңіз кезінде тарап кетпеді ме?» деп сұрағанда, оған: «Жоқ» деп жауап берген.
