Өзбекстан президенті Шавкат Мирзиеевтің үлкен қызы Саида Мирзиёева жаңа қызметке тағайындалды, деп хабарлайды Qaz365.kz.
Ол әкесінің жарлығымен президент әкімшілігінің басшысы болды.
2023 жылдың тамыз айынан бастап Саида Мирзиёева президенттің көмекшісі қызметін атқарып келді. Ал 2022 жылдың қараша айынан бастап ол Президент Әкімшілігі атқарушы аппаратының коммуникациялар және ақпараттық саясат секторының меңгерушісі болды.
Саида Мирзиеева — Өзбекстандағы әлемдік экономика және дипломатия университетінің түлегі, Ташкент мемлекеттік заң университеті, сондай-ақ М.Ломоносов атындағы Мәскеу мемлекеттік университетінің магистрі, экономика ғылымдарының кандидаты.
