Бұл ақпаратты партияның баспасөз қызметі растады.
Шымкент қаласы әкімінің орынбасары Руслан Берденов Respublica партиясының тең төрағасы лауазымынан өз еркімен кетті, деп хабарлайды Qaz365.kz.
Бұл ақпаратты партияның баспасөз қызметі растады. Онда 2025 жылдың ақпан айында Берденов Шымкент қаласы әкімінің орынбасары қызметіне тағайындалғаны айтылған.
«Мемлекеттік қызмет туралы заңның 10-бабы 5-тармағына сәйкес, мемлекеттік қызметшілер өз қызметтік міндеттерін атқару барысында бейтарап болуға және саяси партиялармен, қоғамдық немесе діни бірлестіктердің қызметімен байланысы болмауға тиіс. Қазіргі уақытта Руслан Берденов Respublica партиясының құрылымында ешбір басшылық лауазым атқармайды, дегенмен партия мүшесі ретінде қала береді, – делінген партия хабарламасында.
Бұған дейін Шымкент қаласы әкімдігі редакцияның ресми сауалына жауап бере отырып, 2025 жылдың 11 маусымындағы жағдай бойынша Руслан Берденов әкім орынбасары қызметін атқарып жатқанын және еңбек демалысында екенін хабарлаған болатын.
Аталған жағдайға байланысты ешқандай кадрлық немесе әкімшілік шешім қабылданған жоқ, – деп толықтырды әкімдік.
