ФРГ канцлері Мерц Газада қолданылуы мүмкін әскери техника экспорты тоқтатылатынын мәлімдеді
Германия Израильге қару-жарақ экспортын ішінара тоқтату туралы шешім қабылдады, деп хабарлайды Qaz365.kz.
DW жазуынша, Израиль премьер-министрі Биньямин Нетаньяху ХАМАС ұйымына қарсы күрес жоспарын, оның ішінде Газа қаласын бақылауға алу шараларын жариялағаннан бірнеше сағат өткен соң, Германия билігі бұл елге қару жеткізуді ішінара тоқтататынын мәлімдеген.
ФРГ канцлері Фридрих Мерцтің 8 тамыз күні жағалау аймағында қолданылуы мүмкін әскери техника экспорты тоқтатылатынын мәлімдеді. Ол Германия «келесі хабарламаға дейін» Израильге Газада қолданылуы ықтимал әскери техниканы экспорттауға рұқсат бермейтінін айтты.
Мерц сонымен қатар Израиль министрлер кабинеті қабылдаған шешімге сәйкес Газа секторында израильдік армияның «одан да қатаң әскери қимылдарға» көшкенін атап өтті. Оның айтуынша, Германия үкіметі Газа секторындағы бейбіт тұрғындардың зардабына әлі де қатты алаңдаулы.
