Ведомство өкілдері БАҚ қызметкерлерін жарияланатын ақпараттың шынайылығын мұқият тексеруге шақырды.
Қазақстанның Сыртқы істер министрлігі БАҚ пен әлеуметтік желілерде тараған сыртқы істер министрі ұсталды деген ақпаратқа қатысты пікір білдірді, деп хабарлайды Qaz365.kz.
Министрліктің ресми өкілі Айбек Смадияров бұл мәліметтің шындыққа жанаспайтынын мәлімдеді.
Сыртқы істер министрінің ұсталғаны туралы жаңалық шындыққа сәйкес келмейді. Біз мұны журналистік этика мен еліміздің қолданыстағы заңнамасын бұзу деп есептейміз, – деді Смадияров.
Сондай-ақ ведомство өкілдері БАҚ қызметкерлері мен интернет-ресурстардың әкімшілерін жарияланатын ақпараттың шынайылығын мұқият тексеруге және материалдар үшін жауапкершілік қағидатын сақтауға шақырды.
