Кездесу БҰҰ Бас Ассамблеясының алаңында өтеді.
23 қыркүйекте АҚШ президенті Дональд Трамп Украина басшысы Владимир Зеленскиймен кездеседі. Бұл туралы Oxu.Az-ға сілтеме жасай отырып Qaz365.kz хабарлайды.
Ақ үйдің баспасөз хатшысы Кэролайн Ливиттің айтуынша, АҚШ көшбасшысы БҰҰ Бас Ассамблеясының 80-сессиясына қатысады. Өз сөзінде ол ғаламдық институттардың әлемдік тәртіпке теріс әсер еткенін атап өтіп, «айқын әрі құрылымды» көзқарасын таныстырмақ.
Сонымен қатар, Ливиттің сөзінше, Нью-Йоркте Трамп БҰҰ Бас хатшысымен, сондай-ақ Украина, Аргентина және Еуропалық одақ басшыларымен екіжақты кездесулер өткізеді.
