Ол Оқу-ағарту министрі ант қабылдаған кезде залдан шығып кеткен
Бүгінгі Үкімет отырысында күтпеген жағдай орын алды. Оқу-ағарту министрі Жұлдыз Сүлейменова ант қабылдаған кезде премьерге телефон қоңырауы соғылды. Тұтқаны көтерген премьер-министр Бектенов орнынан тұрып, залдан шығып кетті, деп хабарлайды Qaz365.kz.
Отырыстың басында сөз алған жаңа Оқу-ағарту министрі Жұлдыз Сүлейменова ант беріп жатқан. Сол сәтте премьер-министрге телефон қоңырауы келіп, ол ешқандай түсініктеме берместен залдан асығыс шығып кетті. Үкімет отырысын премьер-министрдің бірінші орынбасары Роман Скляр жалғастырып, күн тәртібіндегі мәселелерді жүргізді. Біраз уақыттан кейін ғана премьер-министр залға қайта оралды. Алайда Олжас Бектеновтің Үкімет отырысын не себепті тастап кеткені және оған кімнің қоңырау шалғаны жайлы ресми түсініктеме берілмеді.
