"Ресей мен Украина арасындағы “масқара соғысты” тоқтатудың жолдарын талқылаймыз" деп жазды ол
АҚШ Президенті Дональд Трамп Ресей Президенті Владимир Путинмен телефон арқылы сөйлесті. Ол алдағы уақытта Ресей басшысымен Венгрия астанасы Будапештте кездесу өткізетінін хабарлады. Бұл туралы Трамп өзінің Truth Social желісіндегі жазбасында мәлім етті, деп хабарлайды Qaz365.kz.
Оның айтуынша, алдымен екі елдің жоғары деңгейдегі кеңесшілері келіссөз өткізеді.
«Біз келесі аптада АҚШ пен Ресейдің жоғары лауазымды кеңесшілерінің кездесуін өткізуге уағдаластық. Алғашқы кездесулерге АҚШ-тың Мемлекеттік хатшысы Марко Рубио және тағы бірқатар тұлғалар қатысады. Мекенжай кейін нақтыланады. Одан соң мен және президент Путин Будапешт қаласында келісілген күні кездесіп, Ресей мен Украина арасындағы “масқара соғысты” тоқтатудың жолдарын талқылаймыз», – деп жазды Трамп.
АҚШ басшысы сондай-ақ 17 қазанда Украина Президенті Владимир Зеленскиймен кездесетінін атап өтті.
