АҚШ Президенті Дональд Трамп Қазақстанға ресми сапармен келуі мүмкін екенін мәлімдеді, деп хабарлайды Qaz365.kz.
Мемлекет басшыларының кездесуінде журналист тарапынан:
– Қазақстан мен АҚШ жалпы құны 17 миллиард долларды құрайтын келісімдер жасады. Сіздің ойыңызша, серіктестіктің қай саласы маңызды? Сондай-ақ Сізді Қазақстанға келген алғашқы АҚШ Президенті деп қашан айта аламыз? – деген сұрақ қойылды.
Оған Дональд Трамп қысқаша әрі нақты жауап берді.
– Бұл әбден мүмкін (Қазақстанға сапармен келу – ред). Барлық сала өте маңызды деп санаймын. Бір жылдан кейін не болатынын білмейміз. Сіздің табиғи ресурсқа бай еліңіз, сондай-ақ парасатты Президентіңіз бар, – деді АҚШ басшысы.
Айта кетейік, Ақ үйдегі кездесуде Қазақстан мен АҚШ арасында жалпы құны 17 миллиард доллардан асатын келісімдерге қол қойылды. Құжаттар авиация, минералдық ресурстар және цифрлық технологиялар салаларын қамтиды.
