Петропавлда белсенділер Қазақстаннан «тәуелсіздігін» жариялап, Халық Кеңесін шақырды
Әлеуметтік желіде 19 адамнан тұратын топ жиналыс өткізу туралы мәлімдеген және Қазақстаннан тәуелсіздік деп аталатын бейне тарады, деп хабарлайды Qaz365.kz.
Видео: Telegram
Біз азат және еркін халықпыз, ерлер мен әйелдер, СҚО Петропавл қаласының тұрғындары Қазақстан Республикасы корпорациясының құқықтық негізінің жалғандығына, халықтың өміріне қолайсыз жағдайлар туғызуына, сонымен қатар, оның агенттерінің әрекетке қабілетсіздігі мен абыройсыздығына байланысты игілігіміз бен ресурстарымызды басқару жүйесінің барлық құрылтайшысы мен қызметшілеріне толық сенімсіздік білдіреміз. Біз халық, өз тәуелсіздігіміз бен егемендігімізді жариялаймыз. Жалпыға бірдей бөлінбейтін ұлттық қазынаны сақтаудың керектігін, туған жердегі азаматтық мүліктік құқықтардың өзгермейтінін ескертеміз және СҚО Петропавл қаласында жұмысшылардың халық кеңесін жандандырамыз, - дейді қатысушылар әлеуметтік желілерде тараған бейнеде.
2023 жылғы 19 наурыздағы кездесуде 19 белсенді төраға мен хатшыны сайлады, «декларация», «жарғы жобасы», «Халықтық Кеңестің символикасын» қабылдады, мөр мен қатысушы куәлігі нысанының жобасын құрды.
Жиналғандар қазақстандық білім беру, азық-түлік және медицина жүйесіне қарсы шықты.
Кеңестік білім берудің табысты жүйесін деструктивті оқулығы бар шетелдік стандарттар алмастырды, ал жоғары, техникалық және кәсіптік білім пайда табудың құралына айналды. Азық-түлік кеңестік стандартқа сәйкес келмейді, дүңгіршектер халықтың өмірі мен денсаулығына қауіп төндіретін тауарларға толы. Бір кездері тегін медицина қазіргі қоғамда балалар мен ересектерді «емдеуге» қаржы жинайтын бизнес саласына айналды, - деді 19 белсенді.
Видео: Telegram
