Cайлауды екі ай ішінде өткізу ұсынылып отыр
Бұл туралы Астанада өткен конституциялық комиссияның алғашқы отырысында Президенттің құқықтық мәселелер жөніндегі көмекшісі Ерлан Жиенбаев айтты, деп хабарлайды Qaz365.kz.
Жиенбаевтың сөзінше, президент отставкаға кеткен жағдайда оның өкілетін вице-президентке жүктеу ұсынылып отыр.
«Президенттің өкілеті мерзімінен бұрын тоқтатылған жағдайда оның өкілетін вице-президентке жүктеу ұсынылып отыр. Вице-президент өкілетті ала алмаған жағдайда, ол Құрылтай төрағасына беріледі. Құрылтай төрағасы оны атқара алмаса, Премьер-министрге жүктеледі. Президент отставкаға кеткен жағдайда сайлауды екі ай ішінде өткізу ұсынылып отыр», – деді Ержан Жиенбаев.
Оның сөзінше, вице-президент халықаралық қатынаста және құрылтай, үкімет және өзге де мемлекеттік органдармен қарым-қатынаста президент атынан сөйлемек.
Ұсынылып отырған түзетулерге сәйкес, вице-президентті құрылтай мүшелерінің басым бөлігінің қолдауымен президент тағайындамақ. Және оны қызметтен босататын да – сол президент.
