Қоғамдық көлікте тегін жол жүру бүгін сағат 21:30-ға дейін жалғасады
Бүгін, 15 наурыз күні Маңғыстау облысының тұрғындары мен қонақтары үшін қоғамдық көліктерде тегін қатыснау ұйымдастырылды. Бұл бастама Амал мерекесі мен референдум күніне орай қолға алынып, тұрғындардың қала ішінде еркін әрі қолайлы қатынауына мүмкіндік берді, деп хабарлайды Qaz365.kz.
Облыстағы қоғамдық көліктің барлық бағыттары жолаушыларды тегін тасымалдап, тұрғындар арасында мерекелік көңіл-күй қалыптастыруда. Аталған игі бастама өңір халқы мен қонақтарының кең қолдауына ие болып, көпшілік тарапынан алғысқа бөленді.
Тұрғындар мерекелік күні тегін жол жүру мүмкіндігін жасаған ұйымдастырушыларға ризашылықтарын білдіріп, мұндай әлеуметтік бастамалардың маңыздылығын атап өтті.
– Амал мерекесіне орай автобустарда жол жүру тегін ұйымдастырылған екен. Осы үшін ұйымдастырушыларға алғыс айтамыз. Баршаңызды мерекемен құттықтаймыз, — деді тұрғындар.
Айта кетейік, қоғамдық көлікте тегін жол жүру бүгін сағат 21:30-ға дейін жалғасады. Сонымен қатар түнгі ауысымдағы №10 және №11 қалааралық бағыттары да жолаушыларды тегін тасымалдайды.
