Ресейлік ұшқыш: Украина бұл соғыста міндетті түрде жеңіске жетеді

Украинаның Бас барлау басқармасы (ГУР) тамыз айында Ми-8 әскери тікұшағын Украина Қарулы күштеріне тапсырған ресейлік ұшқыш Максим Кузьминов туралы деректі фильм түсірді, деп хабарлайды Qaz365.kz. 

Оның есімі титрда «Синица» деп жазылған. 
Украина барлауының мәліметі бойынша, Ресей Қарулы күштерінің 28 жастағы капитаны, Ми-8 тікұшағының командирі Максим Кузьминов Приморск өлкесінде тұрақты орналастыру пункті бар 319-шы жеке тікұшақ полкінде қызмет еткен. Фильмде ол Украинаның барлау өкілдерімен өзі хабарласқанын айтылған. Кузьминов қауіпсіздік кепілдігі, жаңа құжаттар мен сыйақы ұсынылған. Содан кейін майдан шебінен ұшу жоспарын әзірлеу басталады.

Ресейлік әскерилердің айтуынша, ол өзінің Украина шекарасына жақын екенін білгенде оның үстінен «радио үнсіздік жағдайында өте төмен биіктікте» ұшып өткен.

«Маған не болып жатқанын ешкім білмеді. 3-4 күн бойы ешкім не болғанын түсінбеді. Тікұшақ жерге сәтті қонды», - дейді Кузьминов фильмде.

23 тамызда Бас барлау басқармасы Ресейдің Ми-8 тікұшағы Украинаға қонды деп хабарлаған болатын.
Ведомство басшысы Кирилл Буданов деректі фильмде барлау қызметі Кузьминовты Украинаға ұшып, Ми-8 тікұшағын тапсыруға көндіргенін айтты. Не болып жатқанын түсінбеген екі экипаж мүшесі қашпақ болған кезде қаза тапты. Будановтың айтуынша,  Кузьминовтың барлық туыстарына барлау қызметі операцияға дейін Ресейден кетуге көмектескен.

Фильмде Кузьминов ресейлік әріптестерін үлгі алуға шақырады. 
Ол болып жатқан бұл соғысты украин және орыс халықтарының геноциді деп атап, бұл қылмыстардың жалғасуына үлес қосқысы келмейтінін айтады. 

«Украина бұл соғыста міндетті түрде жеңіске жетеді.Бұл соғысты ешкім қаламайды. Украина жеңісі тек  уақыт мәселесі», - дейді Кузьминов.