Әртіс "өсіп келе жатқан руссофобияға байланысты" Қазақстанда жоспарланған іс-шараға келе алмаймын дейді
Украинадағы соғысты жақтайтын ресейлік әртіс Никита Джигурда Instagram парақшасында Қазақстандағы руссофобия мен ұлтшылдық туралы мәлімдеме жасады, деп хабарлайды Qaz365.kz.
Әртіс "өсіп келе жатқан руссофобияға байланысты" Қазақстанда жоспарланған іс-шараға келе алмайтынын айтты.
"Мен 10 қыркүйекте Қазақстанда жақсы іс-шараға қатысуым керек екенін растаймын. Бірақ Қазақстан ресейлік дипломатты өкілеттігінен айырып, Ресейге қиянат жасады, өйткені дипломат Қазақстанда руссофобия күшейіп келе жатқандығы туралы бірнеше рет мәлімдеме жасады. Ұлтшылдар арандатушылық ұйымдастырады… Қысқасы, мен Қазақстанға бара алмаймын. ФСБ-дағы таныстары маған арандатушылық болатынын біліп, онда бармауға кеңес берді. Қазақстанның Ресей Федерациясымен достығын құптайтындарды қолдауға дайынмын. Менің ұстанымым белгілі, мен Ресей Федерациясы мен Путинді қолдаймын. Өкінішке қарай, Қазақстан англо-саксондарға берілуде. Бұл көп адам үшін өкінішті және қайғылы", - деді Джигурда.
Бұл Қазақстанда ресейлік әртістерге қатысты алғашқы дау емес. Маусым айында Григорий Лепстің концерті өтпей қалып, әншінің директоры Владимир Урюпин Қазақстанда руссофобия барын айтқан еді.
Бұдан алдын, саясаттанушы Досым Сәтпаев Ресейдің Украинға қарсы соғысын қолдайтын жұлдыздарды Қазақстанға шақыратындарды қылмыстық жауапкершілікке тарту керектігін айтқан.
