СІМ ресми өкілі Айбек Смадияров жауап берді
Әлеуметтік желілерде Қазақстанның ҰҚШҰ-дан шығу жөнінде ақпарат тараған болатын. Қазақстанның СІМ бұл ақпараттың шындыққа жанаспайтынын айтты, деп хабарлайды Qaz365.kz.
Бұл туралы Қазақстанның СІМ ресми өкілі Айбек Смадияров мәлім етті.
«Ол шындыққа жанаспайтын ақпарат», - деді Айбек Смадияров.
Оның айтуынша, «егер Армения өз талаптарын беріп жатса, ол өздерінің ісі екенін» атап өтті.
«Біз сол ұйымның шеңберінде жұмыс істеп жатырмыз. Ұйым мүшелерімен екі-үш күн бұрын ғана кездесіп, мәселелерді талқыладық. Ұйымның ары қарай дамуын талқыладық. Қазақстан кезінде сол ұйымның құрылуына атсалысқан», - деді Айбек Смадияров.
