×

Қазақстан мен Ресей арасындағы өзара тауар айналымы 27 млрд долларға жетті

Қазақстанда жұмыс істейтін шетелдік қатысуы бар 42 мыңнан астам кәсіпорынның жартысына жуығын, 19 мыңын ресейлік компаниялар құрап отыр

Қазақстан мен Ресей арасындағы өзара тауар айналымы 27 млрд долларға жетті
Kazinform

Қазақстан Президенті Қасым-Жомарт Тоқаев пен Ресей Президенті Владимир Путин Қостанайда өтіп жатқан Қазақстан мен Ресейдің XIX Өңіраралық ынтымақтастық форумына бейнебайланыс режимінде қатысуда, деп хабарлайды Qaz365.kz тілшісі Kazinform агенттігіне сілтеме жасап.

«Осынау алаң 20 жылдың ішінде өзінің қажеттілігі мен тиімділігін көрсетіп, Қазақстан мен Ресей арасындағы өзара тиімді стратегиялық серіктестікті нығайтуға үлкен үлес қосып келеді. Жалпы, біздің сауда-экономикалық, инвестициялық саладағы, өнеркәсіптік кооперациядағы өзара іс-қимылымыз жылдан-жылға тұрақты өсуді көрсетіп отыр. Мәселен, екіжақты тауар айналымы бүгінде 27 млрд долларға жетті. Бұл – рекордтық көрсеткіш», – деді Қазақстан Президенті.

Мемлекет басшысының дерегінше, Ресейден Қазақстанға тікелей инвестиция көлемі 20 миллиард доллардан асты. Қазақстанда жұмыс істейтін шетелдік қатысуы бар 42 мыңнан астам кәсіпорынның жартысына жуығы, яғни 19 мыңын ресейлік компаниялар құрап отыр.

«Біз экономиканың барлық салаларында – өнеркәсіпте, ауылшаруашылығында, көлікте, инфрақұрылымда өзара іс-қимыл жасаймыз. Энергетика саласындағы ынтымақтастықтың өсіп келе жатқан деңгейін атап өткім келеді. Ресей газының Қазақстан аумағы арқылы Өзбекстанға транзитінің жақында іске қосылуы маңызды оқиға болды. Бұл жоба Орталық Азиядағы өңірлік тұрақтылық пен энергетикалық қауіпсіздікті нығайтуда шешуші рөл атқарады», – деді Қасым-Жомарт Тоқаев.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора
Qaz365.kz редакциясы

 Редактор

Бөлім жаңалықтары

Бүгін Астанада ШЫҰ саммиті өтті
Ол жаңа су үнемдеу технологияларын енгізу жөніндегі іс-қимыл жоспарын әзірлеуді ұсынды
Мұндай шешім Астанада өткен ШЫҰ саммитінде қабылданды

Соңғы жаңалықтар

Барлық жаңалық →