×

"Мәжіліс таратылады": алматылықтардың сүйікті депутаты кім

VII шақырылымдағы Парламент мәжілісі мерзімінен бұрын таратылады

"Мәжіліс таратылады": алматылықтардың сүйікті депутаты кім
qaz365.kz

Парламент Мәжілісінің қазіргі құрамы 16 қаңтарда таратылуы мүмкін, деп хабарлайды Qaz365.kz.

Қазіргі депутаттардың жұмысына алматылықтардың көңілі тола ма? Олардың сүйікті депутаты кім? Qaz365.kz тілшісі қала тұрғындарынан сұрап көрдік.

Сауалнама қатысқан тұрғындар депутаттардың атын атай алмады, сондай-ақ олардың жұмысына көңілі толмайтынын айтады. Олардың көбі халыққа ең жас депутат ретінде танылған сМәди Ахметовтің білетінін айтты. 

“Депутаттардың жұмысы қанағаттанарлық емес. Ең жас депутат Мәди Ахметовті танимын. Оны үздік деп айта алмаймын, көп сынға алынғаны үшін ғана танимын” – дейді Жанқожа.

“Олар жұмыстарының нәтижесін көрсеткен жоқ. Теледидарда, сессияларда айтатындарын айтады, іс жүзінде атқарғаны шамалы” – деп пікірін айтты Дәурен.

Алматылықтардың арасында жаңа депутаттар сайланса да, елімізде ештеңе өзгермейді деп санайтындар да бар.

“Ештеңе өзгермейді ғой. Сол баяғы саясат. Жаңа Қазақстан дегенмен, отырған кісілердің бәрі ескі Қазақстанның адамдары. Жақсы депутаттар бізде ілуде бір. Сондай деп Қазыбек Исаны айтсақ болады” – деп санайды Сәуле.

Ал кейбір қала тұрғындары қазіргі депутаттарға қарағанда бұрынғы депутаттардың жақсы жұмыс атқарғанын атап өтті. 

“Бұрынғы депутаттардай қазір депутат жоқ. Бұрындары Айталы Амангелді секілді ұлтқа жаны ашитын депутаттар болды. Қазіргі депутаттарды білмеймін” – деген пікірде Жұмат есімді тұрғын.

“Депутаттар қазақтың мүддесіне жұмыс істеуі қажет. Халық соны күтеді. Баяғы Ғани Мұратбаев секілді қайраткерлер керек. Қазақ халқы қазір соған зәру болып тұр. Қайраткерлер жоқ деп құр шөппен ауыз сыпыруға болмайды. Бар. Бірақ олар көбейіп, бірігіп, халықтың өтінішін жеткізсе, нәтиже береді”, – дейді Құрманбек есімді қала тұрғыны.

 

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Бөлім жаңалықтары

Тағы оқыңыз
АҚШ 150 елдің тауарларына жаңа импорттық баж салығын енгізуді жоспарлап отыр
17.07.2025ж. 09:09

АҚШ 150 елдің тауарларына жаңа импорттық баж салығын енгізуді жоспарлап отыр

Президенттік қызметке қайта кіріскелі Трамп сыртқы сауда саясатын қатаңдата бастады.
2006 жылдан 2024 жылға дейін бұл бағдарламамен 1,2 миллион адам Ресейге көшіп барған.
Ол 2017 жылдан бері қолданыстағы Салық кодексіне енгізілген түзетулерді қамтиды.
Мен қазіргі немесе бұрынғы ешбір шенеунікпен туыстық байланыста емеспін

Соңғы жаңалықтар

Барлық жаңалық →