Тоқаев Смайыловты қызметінен не себепті босатқанын айтты
Кеше ел Үкіметі отставкаға кетті. Бүгін Премьер-министр болып Олжас Бектенов тағайындалды. Мемлекет басшысы Қасым-Жомарт Тоқаев неліктен Әлихан Смайыловты қызметінен босатқанын түсіндірді, деп хабарлайды Qaz365.kz.
«Үкіметтің жұмысына жаңа серпін беру қажет деп ойлаймын. Бүкіл қоғамның күтіп отырғаны – осы. Сол себепті мен кеше Әлихан Смайыловтың отставкасын қабылдадым», – дейді Қасым-Жомарт Тоқаев.
Президенттің айтуынша, еліміздің әлеуетін одан әрі арттыруымыз керек. Бұл алдымызда тұрған ең үлкен мақсат екенін атап өтті.
«Сондықтан босаңсуға болмайды. Басқа сөзбен айтқанда, ұзақ мерзімді стратегиялық мақсаттарға қол жеткізу үшін оның бәрі жеткіліксіз екені анық. Қазақстанды озық елге айналдыруымыз керек», – дейді Президент.
Айта кетейік, бүгін Премьер-министр болып, 43 жастағы Олжас Бектенов тағайындалды. Бұған дейін 2 жылдан астам уақыт Үкіметті Әлихан Смайылов басқарған.
