×

Еліміздің елтаңбасы ауысуы мүмкін: Тоқаев тапсырма берді

Елтаңба жобасын жасауға ашық байқау жарияланады

Еліміздің елтаңбасы ауысуы мүмкін: Тоқаев тапсырма берді
Фото: Ақорда

Мемлекет басшысы Қасым-Жомарт Тоқаевтың Ұлттық құрылтайдың үшінші отырысында мемлекеттік рәміздер мәселесін көтерді, деп хабарлайды Qaz365.kz.

«Ұлттық бірегейлігіміз мемлекеттік рәміздерде айқын көрініс тапқан. Мен былтыр аймақтардың нышанын, яғни символикасын жүйелеп, бірыңғай стандартқа келтіру қажеттігін айттым. Нышандардан сол өңірдің ерекшелігімен қатар, еліміздің болмыс-бітімі де байқалуға тиіс. Қазір осы бағытта нақты жұмыс жасалып жатыр. Бұған мамандар, сарапшылар және белсенді азаматтар атсалысуда. Сонымен қатар олар Мемлекеттік нышандарымызды түгел жаңғырту туралы пікір айтып жатқанын білемін», - дейді президент.

Оның  айтуынша, Елтаңбаға қатысты сыни пікірлер жиі айтылады.

«Біздің Көк туымызда мін жоқ. Онда еліміздің бірегей болмысы нақты бейнеленген. Әнұранымыз да нағыз ұлттық рухты паш етеді. Қазақтың әнұраны әлемнің әр түкпірінде шырқалып жүр. Жаңа жылды жақындарымыздың ортасында әнұранмен қарсы алу жақсы дәстүрге айналды. Бір сөзбен айтсақ, әнұранымыздың сөзі де, әуені де халықтың жүрегіне әбден орныққан. Ал Елтаңбамызға қатысты сыни пікірлер айтылып қалады. Оны Кеңес заманындағы Гербке ұқсатып жатады. Тым эклектикалық, күрделі дейді. Мұндай ойды ел ісіне бей-жай қарамайтын белсенді азаматтар ғана емес, мамандар да айтып жүр. Орынды пайымдар ескерусіз қалмауы керек. Ортақ келісімге келген жағдайда арнаулы комиссия құруға болады. Бұл комиссия мәселені жан-жақты қарастырып, қоғамдық талқылау өткізеді. Сосын Қазақстанның жаңа Елтаңбасының жобасын жасауға ашық байқау жарияланады», - деді Қасым-Жомарт Тоқаев.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора
Qaz365.kz редакциясы

 Редактор

Бөлім жаңалықтары

Тағы оқыңыз
Жұбайының келісімінсіз несие берілмейді: сенаторлар заңға түзетулер енгізуді ұсынды
Кеше, 15:31

Жұбайының келісімінсіз несие берілмейді: сенаторлар заңға түзетулер енгізуді ұсынды

Сенаторлар қазақстандықтардың шамадан тыс кредит алуын төмендетуді көздейтін заңды қайтарды
Маңғыстау облысындағы кадрлық өзгерістерге қатысты депутаты Бапи пікір білдірді
Экс-министрді қамауда ұстау мерзімі ұзарды

Соңғы жаңалықтар

Барлық жаңалық →