Министр Қазақстанның қанша қарызы бар екенін айтты
Қаржы министрі Мәди Такиев Қазақстанның мемлекеттік қарызының соммасын айтты, деп хабарлайды Qaz365.kz.
Жыл басында мемлекеттік қарыздың сомасы 27 триллион теңгеден асты.
"2024 жылдың 1 қаңтарындағы мәліметке сәйкес, Қазақстанның мемлекеттік қарызы 27 триллион теңге болған", - деді Такиев үкіметте өткен брифингте.
Министрдің айтуынша, жалпы ішкі өнімге шаққанда қарыздың сомасы 22,8 процентке жеткен. Ал шекті деңгей – 33 процент. Бұл – қарыздың қауіпсіз межесі. Мемлекеттік қарыз ондай деңгейге жеткен жоқ.
Айта кетейік, Еуразиялық экономикалық комиссияның мәліметінше, 2024 жылдың 1 қаңтарындағы жағдай бойынша Қазақстанның сыртқы мемлекеттік қарызы (АҚШ долларымен есептегенде) 8,3%-ға азайды.
