Журналист Михаил Козачковтың жазуынша, бүгін оны үйіне жіберген
Экс-президент Нұрсұлтан Назарбаевтың немере інісі Қайрат Сатыбалдыұлы бүгін түрмеден босап шықты, деп хабарлайды Qaz365.kz.
Журналист Михаил Козачковтың жазуынша, бүгін оны үйіне жіберген. Түрмеден туған інісі Самат Әбіш қарсы алған.
«Бүгін сот оның мерзімінен бұрын шартты түрде мерзімінен бұрын босату туралы өтінішін қанағаттандырды. Сөйтіп, қаржы жымқырды деп 6 жылға сотталған Қайрат Сатыбалды бостандыққа шықты. Қалған 3 жыл 3 ай 7 күн мерзімінде ол Алматы қаласында пробациялық бақылауда болады. Оны колониядан інісі Самат Әбіш қарсы алды. Ол да билігін асыра пайдаланғаны үшін 8 жылға шартты түрде сотталған», – деп жазды журналист.
Айта кетейік, өтінішхатын Өскемен қаласының №2 соты қараған.
Қайрат Сатыбалды 2022 жылы наурызда қамалды. Ол «Қазақтелеком» және «Көлік сервис орталығы» компанияларынан ақша жымқырды деген айыппен 6 жылға сотталып, түрмеге қамалған. Қазақстан билігі Қайрат Сатыбалды мемлекетке 700 миллиард теңгеден астам ақша мен мүлікті өз еркімен бергенін мәлімдеді. Соның арқасында шартты түрде босап шықты.
