Ол сауалға тіке жауап бермеді
Бүгін Үкімет отырысынан кейін баспасөз брифингінде премьер-министрдің орынбасары Қанат Бозымбаев сұрақ қойған тілшіге өсек тыңдамауға кеңес берді, деп хабарлайды Qaz365.kz.
«Сізге тақырыптан тыс сұрақ қоюға рұқсат етіңіз: жалпы сіздің бұған дейін премьер-министр болуыңыз мүмкін екені айтылған. Бұл болжам жөнінде өзіңіз не ойлайсыз?» - деген еді тілшілердің бірі.
Бірақ Қанат Бозымбаев сауалға тіке жауап бермей, өз кеңесін айтты.
«Мен сізге бір кеңес берейін: таңертең төсектен тұрғанда өсектерді тыңдамаңыз», – деді Қанат Бозымбаев
