Сенатор Бибігүл Аққожина Қазақстанда 9 ірі жобаға 20 млрд доллар инвестиция тартылғалы жатқанын мәлімдеді, деп хабарлайды Qaz365.kz. Бүгін Сенат осыған қатысты заңды мақұлдады.
«Келісім еліміздің аумағындағы телекоммуникация, энергетика, мұнай-химия, көлік, қаржы және басқа да салаларда 9 бірлескен нақты инвестициялық жобаны іске асыруды көздейді”, - деді сенатор Бибігүл Аққожина.
Бұл жобалар:
- «Қашаған» кен орнындағы газ өңдеу зауыттары,
- Қостанай облысындағы компрессорлық станция мен магистральдық газ құбыры,
- «Бейнеу-Бозой-Шымкент» магистральдық газ құбырының екінші желісі,
- Ертіс өзеніндегі су электр станциясы,
- Қызылорда облысындағы электр станциясын салу жөніндегі жобалар,
- сондай-ақ, «Береке Банк» акционерлік қоғамының акциясын және «Мобайл Телеком-Сервис» жауапкершілігі шектеулі серіктестігінің 100% қатысу үлесін сатып алу бойынша жобалар.
БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
