Қазіргі таңда 8 млн 400 мың қазақстандықтың несиесі бар
Қазақстандықтардың несие алу көрсеткіші шектен асып, халықтың қарызға бату көрсеткіші бақылаудан шыққан, деп хабарлайды Qaz365.kz.
Мәжіліс депутаты Елнұр Бейсембаев халықтың қарыздану шегінен асып бара жатыр деп дабыл қағып отыр.
Қазіргі таңда 8 млн 400 мың қазақстандықтың несиесі бар. Бұл экономикалық белсенді жұрттың 80 пайызынан көбі банктерге қарыз деген сөз. 1,4 трлн теңгенің төлем уақыты кешіктіріліп жатыр. 1 млн 700 мың адам алған несиесін қайтара алмайтын жағдайға жеткен”, – дейді депутат.
Мәжіліс депутатының айтуынша, бұл қазақстандықтардың таза табысы төмендеп кеткенін көрсетеді. Сондықтан мемлекет тарапынан шұғыл шара қолданылуы керек.
