Концерт өнер мен мәдениеттің жарқын мерекесіне айналды
9 желтоқсан күні Республика сарайында «Тамаша» театрының 45 жылдығына орай Jibek Joly телеарнасы ұйымдастырған «Тамаша тарту» мерекелік концерті өтті, деп хабарлайды Qaz365.kz.
Іс-шара музыка, театр және тарихты біріктіріп, мәдениет жанкүйерлеріне нағыз тосынсый болды. Кешті Бауыржан Орда мен Лейла Сұлтанқызы жүргізді.
Jibek Joly көрерменге ерекше кеш сыйлап қана қоймай, бір сахнаға аңызға айналған әртістер мен заманауи жұлдыздарды жинады. Мәди Рымбаев, Дидар Каденнің «Дос-Мұқасан» тобымен бірге орындаған «Жігіттер жыры» әнінің орындалуы – ең ерекше сәттердің бірі болды. Бұл ұрпақтар сабақтастығын көрсетіп, көрерменнің зор қошеметіне ие болды.
Сахнада белгілі өнер майталмандары – Тұңғышбай Жаманқұлов, Лидия Каден, Гүлбаушан Тілеубекова және Данагүл Темірсұлтанова ұсынған «Тамаша» театрының көрнекті қойылымдары көрсетілді. Олар көрерменге Қазақстанның мәдени мұрасының ажырамас бөлігіне айналған спектакльдерден үзінділер көрсетті.
Танымал өнер иелері мен жас әртістердің бірге орындаған дуэті кешке ерекше көрік берді. «Дос-Мұқасаннан» басқа Роза Рымбаева, Толқын Забирова, Парвиз Назаров, Мадина Сәдуақасова, Бүркіт пен Айша, «Жігіттер» тобы және эстраданың басқа да көп жұлдызы өнер көрсетті.
Концертті ұйымдастырумен қатар Jibek Joly телеарнасы 30 қарашада басталған «Тамаша» театры туралы сериалды көрермен назарына ұсынды. Бұл туынды 1991 жылдан бастап Кеңес Одағының ыдырауы кезіндегі театр тарихындағы маңызды оқиғаларды баяндайды. Сериал музыкалық нөмірлермен және жарқын интермедиялармен толықтырылған.
